میرا تعارف

اسلام علیکم

والدین نے میرا نام “ساریہ صدیقی“  رکھا ۔

اور شاید مجھے خود بھی اپنا نام رکھنے کا موقع ملتا تو یہی میرا نام ہوتا۔

انٹرنیٹ پر “Bobcut_monster“ کی آئی ڈی سے تھوڑی بہت شناخت حاصل رہی ہے۔

پروفیشنلی گرافکس ڈئزائنر ہوں۔

زندگی میں بہت کچھ کیا ہے‘ کر رہی ہوں اور جب تک زندگی ہے انشاء اللہ  اللہ تعالیٰ کی عطا کردہ اپنی صلاحیتوں کو کھوجتی اور کچھ نہ کچھ نیا  کام کرتی رہوں گی۔

یہ بلاگ بس یونہی بن گیا۔ کوئی خاص پلانگ نہیں تھی۔ نہ خیال تھا۔ نہ ٹائم تھا‘ اور نہ ہی سوچا تھا ‘ بس اپنی دوست کے بلاگ بنانے میں مدد کرتے کرتے اُن کے بلاگ کے ساتھ میرا بلاگ بن گیا۔ اب بنا ہی لیا ہے تو سوچا تھوڑا بہت ٹائم یہاں دوں اور جتنا ہو سکتا ہے اچھی اور معیاری چیزیں یہاں سئیر کروں۔ یہ بلاگ تفریح پسند لوگوں کو شاید پسند نہ آئے کیوں کہ یہ اُن کے لیے ہے ہی نہیں۔اس بلاگ میں میری کوشش ہوگی کے کچھ ایسی چیزیں سئیر کروں جن کو پڑھ کر ہمارے دماغ جو آج کل کے حالات سے بہت پریشان اور انتیشار پسند ہوگئے ہیں، کچھ ایسی چیزیں یہاں شئیر کروں جو ہماری ذہنی حالات کو نارمل کرنے کا کام کر سکیں۔ میرا ماننا ہے کہ اچھی بات اچھی چیز اپنے اندر اتنا سحر ضرور رکھتی ہے کہ اُس کو پڑھنے سننے والے کے ذہن میں اپنا نشان چھوڑ جاتی ہیں۔ دیر سے سہی پر یہ باتیں جب سمجھ آنا شروع ہوتی ہیں۔ تو ہم ان پر عمل کرنے کی کوشش کرنے لگتے ہیں۔ جیسے کہ کہا جاتا ہے کے اچھا کھایا اچھا پہنا دیکھتا ہے۔۔۔ بلکہ ویسے ہی اچھا پڑھا بھی آپ کی سوچ،آپ کے انداز آپ کی شخصیت پر بہت اثر ڈالتا ہے۔۔

 ایک معیاری اور مثبت سوچ  اور اللہ تعالیٰ پر پختہ یقین ہی ہمیں اتنا اعتماد دے سکتا ہے کہ ہم دنیا اور حالات کا ڈٹ کر نڈر ہو کر مقابلہ کر سکیں۔

کوشش ہوگی کہ یہاں آنے والوں کو کوئی نہ کوئی اچھی بات پڑھنے اور سیکھنے کو ملے،

اللہ تعالیٰ سے دعا ہے میری یہ کاوش آپ لوگوں کو پسند آئے۔ (آمین)

 

والسلام